WEdding Milestone for Angel & teRRY

半年後既今日會係點呢?
答案就係唔使再送完船船返屋企之後自己一個人返屋企

今日係我求婚成功一周年,係唔係應該要慶祝一下呢?
好可惜...因為上個禮拜去左台灣影結婚相,所以今日我冇返落黎香港慶祝.
唉...o係大陸做野真係一件苦差呢...
所以我好好...期待港珠澳大橋快d起好,第時自己開車,我諗個幾鐘頭就可返到屋企啦.

今個月連續三個禮拜六我都有朋友結婚,其中兩個係我好兄弟,另外一個係阿船既好姊妹.
睇住好朋友結婚真係好開心,所以就算俾佢地炸,都係炸得甘high甘enjoy

時間過得好快,上年年頭好兄弟同我講佢下年二月要結婚,話甘快佢就o係上個禮拜六結左婚.
查實我真係好羨慕佢地完成左呢件人生一大事,因為我仲有8個月時間剩,好驚唔夠時間去籌備..haha...開始感到有d緊張啦.. 點算好呢?

o係婚前最後一個情人節既晏晝,我去左西九海濱長廊影相(記住係"我",而唔係"我地"),由4點幾影到7點幾,一個人o係o個度成3粒幾鐘,查實都幾悶架,好彩我有時都可接受一個獨來獨往jar..
不過,由於o個日係情人節,去親o個度大多數都係1 pair pair 情侶,所以我都覺得自己有d捉蟲.當我影緊相個陣,隔離有個男人講d士多啤利好大粒呀,跟住佢女友話買左甘多,點食得晒.
我心諗: "無野呀你地,情人節食士多啤利當dinner呀?"
不過,佢地可能甘諗: "無野呀你,情人節自己一個人對住海邊影相,甘慘呀?"

好唔容易等到7點幾,我終於可以離開呢個滿佈情侶既地方去搵阿船.
haha..我地婚前最後一個情人節既晚上,並唔係二人世界,而係同好多人同檯食飯,皆因我地去左阿船好姊姊既婚宴.
不過唔緊要啦,因為我地婚後既第一個情人節,我相信都會係同好多人同檯食飯,因為下年既情人節係年初一嘛.

為左可以將d陳年舊相放o係結婚晚宴既video裡面,所以上個禮拜專得買左部 Canon PIXMA MP988.
我買呢部機主要原因係佢可以scan 菲林底片,同埋佢support wireless.

為左測試部機既quality,我專得搵番d十年前o係啟德影飛機既陳年底片,scan出黎既效果都唔錯..

跟住再scan畫冊既相,效果就比較一般,可能係因為本畫冊既texture既問題掛..