WEdding Milestone for Angel & teRRY

一直以黎,我總係覺得o係伊典園或其他私人場所舉行婚禮唔夠隆重,所以我一直堅持o係大會堂舉行婚禮,但勢估唔到自從我上個禮拜日睇完伊典園Hall 1之後,我今日就作出一個重要既決定---- 俾$$伊典園使
放棄大會堂,係因為15分鐘既時間好似好趕,又迫又多路人甲,阿船又驚爭唔到好既時間,如果果日唔好彩落雨,仲冇咩地方可以影相.
晒$$係伊典園度,係因為地方大又幾Grand,可以望到對面海,我地仲book左一粒鐘,時間好鬆動,唔使驚俾人摧.

而家係2008年10月31日既凌晨時分,我相信一年後而家既我一定係張床度碌黎碌去,因為到時既我就快唔再係王老五,一定有d唔捨得

今晚會約阿船好好去慶祝結婚前一週年紀念,亦由今晚開始,每年既10月31日就會係我地既紀念日.

尋日阿船叫我今日放完工後,自己去Cocoon搵佢.
當到左Cocoon,我既心情越黎越緊張,亦越黎越興奮,因為我即將第一次見到阿船著婚紗既樣.
當阿船著住婚紗走出更衣室既一刻,我由細到大都期待著一個肯為我著上婚紗既女仔終於出現係我眼前,呢一刻既心情真係真係難以形容

可惜,今日我冇機會試穿禮服,唔知阿船會唔會同我一樣甘期待呢?

由於個Sales肯俾我地一個特別優惠,所以我最終又碌左張卡join左個package.

今日晏晝我地係Grand Hyatt join左藏愛既pre-wedding photo package.
真係估唔到我最终選左去台灣影相,日子暫定下年三月中.

"朗豪定朗廷好呢?"
呢個問題纏繞住我地都有一兩個禮拜.經過慎重既考慮,我地今日終於有個決定啦.
今朝一早,我打去搵朗廷Emily再bargain多d野,佢好快應承左,並即刻準備好份contract俾我去簽.於是我去中港城搭船前,到朗廷簽約,同埋俾埋個首期.第一次簽九皮野既信用卡,覺得自己好high呀

而家諗番起,我覺得我地其實都唔係花好多時間去搵酒席.
首先,我地一開始已ban左酒樓.
其次,根本唔係好多酒店可以提供我地心目中既圍數.
不過,我地都花左好多時間係生活易網站度睇其他couples對朗豪,朗廷既comments,先至有今日既決定.