WEdding Milestone for Angel & teRRY

今日阿爸要去太子買野,甘我就順便同阿船帶埋佢去朗廷睇場,佢都幾滿意呢個場.
之後,由於朗豪攪左個小小既wedding expo,我地又去睇一睇,其實都冇特別野睇,所以好快就走人.

今日晏晝約左朗廷既Emily傾下酒席既合約,前幾晚我同阿船不停地係生活易網站睇下其他couples可以bargain度d咩野,方便我地今日同Emily bargain,結果佢全部都肯應承.其實,到而家為止我地仲未決定朗廷亦或朗豪,我諗籌備結婚當中最辛苦既野就係making a decision.

今日阿船學完車,我車佢到日航睇場,日航都有兩個埸提供,而兩個埸都係同一層.個大場係一把扇狀形,麻雀枱並唔係自成一格,而係放係餐枱後面,所以我地心目中就好快ban左日航.

見時間尚早,我地今次又到尖咀朗廷睇埸,勢估唔到我係個度見到大我一年既中學師兄,原來今日係佢既大日子,佢仲好客氣俾我地隨便睇佢既佈置.

今日由珠海趕快到JW Marriott睇埸,個sales既服務真係一流,好有禮貌,解釋詳盡,(事後阿船話佢都幾靚女tim),可惜如果你既圍數唔夠多,就要同人share個ballroom,感覺就好似酒樓甘,會聽到隔離場d MC 講野,所以我地就好快ban左呢個酒店.
見時間尚早,加上前幾晚我地心大心細,唔知朗豪係唔係真係甘好,所以我地就決定又到朗豪一趟,可惜,我地最终都冇乜結論

今日專登唔番珠海做野住,因為我地約左朗豪既sales去睇埸.
朗豪有三個場可提供,首先佢帶我地睇中菜廳,我地覺得麻麻地;之後佢就帶我地去睇Ballroom,個Pre-function area好寬敞,大到用唔晒,但個樓底一邊高,一邊矮,我地都幾擔心樓底矮個邊會令到d賓客會有被歧視既感覺,但總體黎講,我地都幾鐘意呢個場,min charge都OK,連埋加一只要25萬;最後,佢帶我地去睇Star Room,個場我都幾鍾意架,不過,有d細,容納唔到我地要求既24圍,所以我地好花就踼走呢個場.
講完個場地,不如講下個sales啦,佢真係好唔掂,之前想約佢weekend睇場,佢話weekend唔返工,叫我地weekday黎睇啦;約好左7pm去睇埸,佢就千叮萬囑叫我地唔好遲到,好似驚死我地阻住佢收工甘.真係想講"今時今日既服務態度點得架?"
所以,我地決定左搵第二個sales follow!